“अवैध विदेशी मुद्रा सहित मानिस पक्राउ”

२०८१-१२-०५

A
A^-
A⁺

विभिन्न व्यक्तिहरुले ठुलो परिमाणमा अमेरीकी डलर, युरो लगायत विभिन्न देशका मुद्राहरु राजश्व छली गरी अवैध रुपमा ओसार पसार तथा कारोबार गर्ने गरेको भन्ने गोप्य सूचनाको आधारमा यस कार्यालयबाट खटीएको प्रहरी टोलीले मिति २०८१।१२।०४ गते बेलुकी अं.२३:०० बजेको समयमा का.जि.टोखा नगरपालिका वडा नं.०२ झोरमा ना. ७ ख १६५२ नं.को मालबाहक ट्रक गाडी शंका लागि रोकी उल्लेखित सवारी साधन नियन्त्रणमा लिई खानतलासी गर्दा उक्त ट्रकको “वोनट” ड्राईभर बस्ने कोठाको ( क्याविनको बायाँ तर्फको) माथिल्लो भागमा फल्सबटम बनाई लुकाई छिपाई ल्याएको अमेरीकी डलर, युरो लगायतका मुद्राहरु फेला पारी सवारी चालक कुसाङ लामा सहित सवारी साधन पक्राउ गरिएको । थप अनुसन्धान कार्य जारी रहेको ।

साथै निजले अवैध तरीकाबाट भन्सार तथा राजस्व छलि अवैध विदेशी मुद्राको कारोवार गरेको हुदाँ निजलाई विदेशी विनिमय (नियमित गर्ने) ऐन, २०१९ बमोजिमको कसुरमा थप अनुसन्धान तथा कारबाहीको लागि राजस्व अनुसन्धान विभाग, हरिहरभवन पठाईएको ।

पक्राउ व्यक्ति :

नाम : फुच्चे भन्ने कुसाङ लामा

उमेर : ४३ बर्ष

ठेगाना : जि. सिन्धुपाल्चोक, भोटेकोशी गा. पा. वडा नं ०१

हालः काठमाण्डौ गोकर्णेश्वर न.पा. वडा नं.०२

थप खुल्न आएको विवरणः मिति २०७३ साल पौष १३ गते राजश्व छली सुन चोरी पैठारी मुद्दामा ७ के.जि. सुन सहित पक्राउ परी ५ बर्ष कैद भुक्तान गरेको ।

बरामदी विवरणः

१. अमेरीकी डलर (USD) -$ १०० दरका नोटहरु जम्मा थान ३,११९ (तिन हजार एक सय उन्नाईस)

२. अमेरीकी डलर (USD) -$ ५० दरका नोटहरु जम्मा थान १७९ (एक सय उनान्असी)

३. युरो (Euro) – ५०० दरका थान ११ (एघार)

४. युरो (Euro) – २०० दरका थान ४८० (चार सय असी)

५. युरो (Euro) – १०० दरका थान ४१४८ (चार हजार एक सय अड्चालिस)

६. युरो (Euro) – ५० दरका थान १७१७७ (सत्र हजार एक सय सतहत्तर)

७. नारायणी प्रदेश-७ ख १६५२ को मालबाहक ट्रक गाडी थान- १

८. मोवाईल- थान २

नेपली रुपैयामा हुन आउने जम्मा रकम – २५,१९,२४,९५०।– ( पच्चिस करोड उन्नाईस लाख चौबिस हजार नौ सय पचास मात्र )

सम्बन्धित समाचार

“ ठगी गर्ने व्यक्ती पक्राउ ”

२०८२-०१-०४

घटना विवरण :- गौरव धामी समेत भएको ठगी गर्न नहुने कसूरमा सम्मानित काठमाण्डौं जिल्ला अदालतबाट पक्राउ पुर्जी जारी भई फरार रहेका निम्न उल्लेखित प्रतिवादीलाई यस कार्यालयबाट खटी गएको प्रहरी टोलीले मिति २०८२।०१।०३ गते जिल्ला काठमाण्डौं का.म.न.पा. वडा नं.०८ गौशालाबाट पक्राउ गरी थप अनुसन्धान तथा कानुनी कारवाहीको लागी जिल्ला प्रहरी परिसर भद्रकाली काठमाण्डौं पठाईएको । पक्राउ व्यक्ति:- १. नाम थर :- परिछिद तिवारी उमेर :- ४४ वर्ष स्थायी वतन :- जिल्ला काठमाण्डौं का.म. न.पा. वडा नं.०४ । बिगो रकम :-रु.१२,००,०००।- (बाह्र लाख) पक्राउ मिति :- २०८२/०१/०३ गते । पक्राउ स्थान :-जिल्ला काठमाण्डौं का.म. न.पा. वडा नं.०८ । पीडित संख्या :- २ जना

“ वैदेशिक रोजगारीको लागि विभिन्न देशहरुमा पठाइदिन्छु भनी ठगी गर्ने व्यक्तिहरु पक्राउ ”

२०८२-०१-०३

“AT Alert मार्फत Phishing Link पठाई E-Sewa को रकम चोरी गर्ने व्यक्ति पक्राउ”

२०८२-०१-०३

घटना विवरण:- विभिन्न व्यक्तिहरुलाई SMS मार्फत The Alert, AT Alert जस्ता Phishing Link पठाई तपाईको खाता Suspend हुन लागेको भनी चेतावनी दिई Verify को लागि लिंक खोल्न लगाई ईसेवामा अनाधिकृत पहुँच पुर्‍याई ४००० भन्दा बढी व्यक्तिहरुको ईसेवामा रहेको मौज्दात रकम Pashupati Global Innovation Private Limited को Merchant खाताहरुमा रु. १,०२,००,०००।– बराबरको रकम Transfer गरी रकम चोरी गर्ने कार्यमा संलग्न निम्न अनुसारको व्यक्तिलाई मिति २०८२।०१।०२ गते जिल्ला काठमाण्डौ कालीमाटीबाट पक्राउ गरी आवश्यक अनुसन्धान तथा कारबाहीको लागि जिल्ला प्रहरी परिसर, भद्रकाली, काठमाण्डौ पठाईएको । पक्राउ व्यक्ति:- नामथर: राहुल बुढाउमेर: २२ बर्ष ठेगाना: जिल्ला कन्चनपुर कृष्णपुर न.पा. वडा नं. ०१ घर भई हाल काठमाण्डौ अनामनगर बस्ने ।

“११ बर्षीय बहिनीको हत्या गर्ने दाजु पक्राउ ’’

२०८२-०१-०२

घटना विवरण:- जिल्ला ललितपुर ल.पु.म.न.पा.वडा नं. -१२, मंगलबजार बस्ने भगबती बोहराले निजको छोरी बर्ष ११ की दुर्गा बोहरा मिति २०८१/१२/०४ गते रातको अं.०९:३० बजे बाट हराएको भनि जिल्ला प्रहरी परिसर ललितपुरमा दिएको निवेदन पश्‍चात खोजतलास गर्ने क्रममा मिति २०८१/१२/२९ गते अं ११:०० बजेको समयमा जिल्ला ललितपुर ल.पु.म.न.पा. वडा नं.९, खपिन्छेँ स्थित बाबुराजा अवालेको पुरानो घरको भुई तलामा रहेको पानी ट्याङकीमा सडेगलेको अवस्थामा शव फेला परेको । उक्त घटनामा यस कार्यालय तथा PRCB ललितपुरको प्रहरी टोलिले जिल्ला प्रहरी परिसर ललितपुर समेतको सहयोगमा बिभिन्न विधी र प्रबिधीको प्रयोग गरी अनुसन्धान गर्ने क्रममा उक्त घटना निज मृतकको वर्ष १५ को कान्छो दाईले कर्तब्य गरी हत्या गरेको खुल्न आएकोले निजलाई मिति २०८२/०१/०१ गते जिल्ला ललितपुर ललितपुर महानगरपालिका वडा नं.-१२, मंगलबजार एरियाबाट नियन्त्रणमा लिई आबश्यक कारवाहीको लागि जिल्ला प्रहरी परिसर ललितपुर पठाईएको । अनुसन्धानबाट खुल्न आएका तथ्यहरुः• मिति २०८१/१२/०६ गते जिल्ला बझाङ सुर्मा गा.पा. वडा नं. ०४ घर भई हाल जिल्ला ललितपुर ल.पु.म.न.पा. वडा नं. १२ मंगलबजार बस्ने मदन बोहरा र भगवती बोहराको छोरी बर्ष ११ की दुर्गा बोहरा चैत ४ गतेदेखि हराएको ।• आमा भगवती बोहराले छोरी हराएको भनी खोज तलासको लागी जिल्ला प्रहरी परिसर ललितपुरमा निवेदन दिएको । • मिति २०८१/१२/२९ गते बिहान अ.१०:०० बजेको समयमा जिल्ला ललितपुर ल.पु.म.न.पा. वडा नं. ०९ खपिन्छे स्थित बाबुराजा अवालेको ५ तल्ले घरको भुई तल्लामा रहेको प्रयोग बिहिन सिमेन्टले बनाएको पानी ट्याङ्किमा दुर्गा बोहराको लाश फेला परेको ।• बाबुराजा अवालेको उक्त घरमा मृतकहरु भाडामा बसेको र मिति २०८१।११।२५ गते अन्यत्र डेरा सरेको ।• उक्त घरमा भाडामा बस्ने अर्को चमेली सुनारको परिवार पनि मिति२०८१।१२।०२ गते अन्यत्र डेरा सरे पश्चात सो घरमा कोही नबसी घर खाली रहेको ।• मिति २०८१।१२।०४ गते मृतक र उनको दाजु पहिला डेरामा बस्ने गरेको अवालेको घर तर्फ जाँदै गरेको CCTV फुटेजमा देखिएको ।• दाजु बहिनी संगै गएको फुटेज भेटिए पश्चात दाजु माथि शंका लागी सोधपुछ गर्दा उसले कोठा सर्दा छुटेका कपडाहरु लिन भनि दाजु बहिनी गएकोमा सामान्य विवाद हुँदा बहिनिलाई पिटि उक्त ठाउँमा रहेको नाईलनको डोरीले पछाडीबाट घाटी कसेर भुईमा लडाई छोडी भागेको बताएको ।• दाजु बहिनिले नै लागु औषधको ट्याबलेट खाएको थियो र त्यसको नशामा आफु भएकोले त्यस्तो घटना हुन गएको कुरा बताएको । • मिति २०८१/१२/०५ गते बिहान नशाले छोडे पछि आफुले हिजो बहिनि माथि गरेको आक्रमण सम्झि उक्त घटनास्थलमा गई हेर्दा बहिनिको मृत्यु भएको र बहिनीको लाश भुई तल्लाको भर्याङको छेउमा देखे पश्चात सो लाश ट्याङ्किमा हालि सिमेन्टले बनाएको ढक्कन लगाई छोपेर छोडि गएको बताएको ।

“ वैदेशिक रोजगारीको लागि विभिन्न देशहरुमा पठाइदिन्छु भनी ठगी गर्ने व्यक्तिहरु पक्राउ ”

२०८२-०१-०२

घटना विवरण :-बेरोजगार युवायुवतीहरुलाई आकर्षक तलबको प्रलोभनमा पारी रोजगारीका लागि विभिन्न देशहरुमा लैजाने भन्दै लामो समयसम्म झुक्यानमा राखि विदेश नपठाई सम्पर्क विहीन भएकोमा पीडितहरुले दिएको जाहेरी दरखास्त उपर अनुसन्धान हुँदा विदेश पठाउने भनी ठगी गर्ने निम्न व्यक्तिहरुलाई काठमाण्डौं उपत्यकाका विभिन्न स्थानहरुबाट पक्राउ गरी थप अनुसन्धान तथा कारवाहीको लागि सम्बन्धित कार्यालयहरुमा पठाईएको । पक्राउ व्यक्तिहरु:- १. नाम थर :- ङवाङ गेली शेर्पा उमेर :- ३७ वर्ष स्थायी वतन :- जिल्ला सोलुखुम्बु लिखुपिके गा.पा.वडा नं.०१ । हाल :- जिल्ला काठमाण्डौं गोकर्णेश्वर न.पा.वडा नं.०६ । बिगो रकम :- रु.९,३१,५००।- (नौ लाख एक्तिस हजार ) देश :- पोल्याण्ड पक्राउ मिति :- २०८१/१२/३१ गते । पक्राउ स्थान :- जिल्ला काठमाण्डौं गोकर्णेश्वर न.पा. वडा नं.०६ । पीडित संख्या :- १ जना पठाइएको कार्यालय:- वैदेशिक रोजगार विभाग ताहाचल, काठमाण्डौ ३.नाम थर :- मान बहादुर बस्नेत उमेर -: ३८ वर्ष स्थायी वतन :- जिल्ला मोरङ उर्लाबारी न.पा.वडा नं.०२। हाल :- जिल्ला काठमाण्डौं का.म.न.पा.वडा नं.०३ । बिगो रकम :- रु.१०,००,०००।- (दश लाख ) देश :- चेक रिपब्लिक पक्राउ मिति :- २०८२/०१/०२ गते । पक्राउ स्थान :- जिल्ला काठमाण्डौं का.म.न.पा. वडा नं.०३ पीडित संख्या -: १ जना पठाइएको कार्यालय :- वैदेशिक रोजगार विभाग ताहाचल, काठमाण्डौं २. नाम थर :-शर्मिला थापा उमेर :- ३० वर्ष स्थायी वतन :- जिल्ला नुवाकोट शिवपुरी गा.पा. वडा नं. ०३ । हाल :- जिल्ला काठमाण्डौ टोखा न.पा.वडा नं.११ । बिगो रकम :- रु.७,००,०००।- (सात लाख ) पक्राउ मिति :- २०८१/१२/३१ गते । पक्राउ स्थान :-जिल्ला काठमाण्डौं का.म.न.पा. वडा नं.२६ । पीडित संख्या :- १ जना पठाइएको कार्यालय:- वैदेशिक रोजगार विभाग ताहाचल, काठमाण्डौं ४.नाम थर :- मेन्तन राई उमेर :- ३० वर्ष स्थायी वतन :- जिल्ला भोजपुर ट्याम्केमैयुं गा.पा.वडा नं.०२ । हाल :- जिल्ला काठमाण्डौ का.म.न.पा.वडा नं.१४ । बिगो रकम :- रु.६०,०००।- (साठ्ठि हजार ) देश -:चेक रिपब्लिक पक्राउ मिति :- २०८२/०१/०१ गते । पक्राउ स्थान :-जिल्ला काठमाण्डौं का.म.न.पा. वडा नं.१२ । पीडित संख्या :- १ जना पठाइएको कार्यालय:- वैदेशिक रोजगार विभाग ताहाचल, काठमाण्डौं

“ वैदेशिक रोजगारीको लागि विभिन्न देशहरुमा पठाइदिन्छु भनी ठगी गर्ने व्यक्तिहरु पक्राउ ”

२०८१-१२-३०