Gilt Travels & Tours Pvt. Ltd का संचालक श्रृजेश कार्कीले जर्मनमा हुन लागेको अन्तराष्ट्रिय अपाङगता सम्मेलन २०२५ मा सहभागी हुने व्यक्तिहरुको लागि हवाई टिकट, टर्कीको ट्रान्जीट भिसा र होटल बुकिङ समेत गरी दिन्छु भनि नक्कली कागजातहरु बनाइ रु. ४,३०,०००।– (चार लाख तिस हजार) रकम ठगी गरेको भन्ने व्यहोराको उजुरी यस कार्यालयमा प्राप्त हुन आएको हुँदा निज Gilt Travels & Tours Pvt.Ltd का संचालक जिल्ला काठमाण्डौ का.म.न.पा.वडा नं.२६ लैनचौर बस्ने बर्ष २१ को श्रृजेश कार्कीलाई यस कार्यालयबाट खटि गएको प्रहरी टोलीले मिति २०८२।०२।०५ गते पक्राउ गरी ठगी सम्बन्धी कसुरमा आवश्यक अनुसन्धान एंव कारवाहीको लागि जिल्ला प्रहरी परिसर भद्रकाली काठमाण्डौ पठाइएको ।

अनुसन्धानबाट खुल्न आएका कुराहरु:

Ø हिसि शेर्पाको जाहेरीले रु ७,५०,०००।– ( सात लाख पचास हजार) रहेको बैंकिङ कसुर मुद्दामा प्रहरी बृत्त जनसेवाबाट फरार रहेको ।

Ø राजिब तामाङको जाहेरीले रु ६,००,०००।– ( छ लाख ) रहेको बैंकिङ कसुर मुद्दामा प्रहरी बृत्त दरबारमार्गबाट फरार रहेको ।

 पक्राउ व्यक्तिको विवरण:-                                                                                            

नामथर : श्रृजेश कार्की

उमेर     :  २१ बर्ष

 ठेगाना : जिल्ला काठमाण्डौ का.म.न.पा.वडा नं. २६ लैनचौर