दिउँसोको समयमा चोरी गर्ने व्यक्तिहरु पक्राउ
२०७९-१२-१०
- A
- A-
- A+
घटना विवरण :-
मिति २०७९/११/१३ गते जिल्ला काठमाण्डौ टोखा
न.पा.वडा नं. ७ धापासी हाईट स्थित भेषराज दाहालको घरको कोठाको ढोका फोडी सुनका
बिभिन्न गरगहना तथा नगद गरी रू. ८,९१,२५०/- मुल्य बराबरको धनमाल चोरी भएको भनि यस
कार्यालयमा निवेदन प्राप्त भएकोमा उक्त घटनाको अनुसन्धानको क्रममा का.जि.का.म.न.पा.वडा
नं.४ मण्डिखाटार स्थित गेष्ट हाउसमा बस्ने अर्जुन परियार र का.जि. का.म.न.पा.वडा
नं.४ मण्डिखाटर स्थित बस्ने रोशन गौतम समेतको संलग्नता रहेको भन्ने खुल्न आएकोमा
यस कार्यालयबाट खटिएको प्रहरी टोलीले निजहरुलाई मिति २०७९/१२/०९ गते का.जि.
का.म.न.पा.वडा नं. ४ मण्डाखाटार स्थित गेष्ट हाउसमा फेला पारी सोधपुछ गर्दा निजहरूले
का.जि.टोखा न.पा.वडा नं.९ गंगबु नयाँ बसपार्क स्थित पञ्चकन्या ज्वेलर्समा चोरी
गरेको सुन बिक्रि गरेको भनि बताएकाले उक्त पसलका संचालक तुल बहादुर बिश्वकर्मालाई
चोरी गरेको सुनका गहनाहरु स्वरुप परिवर्तन गरीएको सुन जस्तो देखिने सिक्री थान १ (
तौल ११.९२ ग्राम ) सहित फेला पारी निजलाई समेत पक्राउ गरी थप अनुसन्धान तथा
कारबाहीको लागि प्रहरी वृत महाराजगञ्ज पठाईएको ।
पक्राउ
व्यक्ति:-
१. नामथर :- बसन्त भन्ने अर्जुन परियार
उमेर:- २०
ठेगाना:- जिल्ला चितवन टाँडि
२. नामथर :- रोशन गौतम
उमेर:- १८
ठेगाना:- जिल्ला रुपन्देही बुटवल उ.प.म.न.पा. वडा नं. ५
जानकी नगर
हाल:- का.जि. का.म.न.पा.वडा नं.४ मण्डिखाटर
उमेर:- ३८
ठेगाना:- जिल्ला नुवाकोट विदुर न.पा. वडा नं.१२
पिपलडाँडा
हाल:- का.जि.टोखा न.पा.वडा नं.९ गंगबु
अनुसन्धान बाट खुल्न आएका कुराहरु :-
१. विगतको रातको समयमा टिपन
टापन चोरी गर्ने यस समुहले दिउँसोको समयमा चोरी गर्ने गरेको ।
२. स्थानिय एरियाको गेष्ट हाउसको
कोठा भाडामा लिई बस्ने गरेको,चोरी गरेको नगद बुझाउने र पैसा सकिएमा उधारोमा बस्ने
गरेको ।
३. चोरी गरी लगेको नगद होटलमा
बसी खर्च गर्ने, नयाँ नयाँ केटी साथी बनाउने र केटी साथीहरुलाई लुगा जुत्ता
लगायतका सामग्रीहरु खरिद गरी दिने गरेको ।
४. पछिल्लो केटी साथिलाई
१२,०००/- बराबरको Shoping
गरेको, साथै रू. २२,०००/- बराबरको एक थान
मोबाईल समेत खरिद गरेको खुल्न आएको ।