"नेपाली नागरिकता लिने १० भारतीय नागरिकहरुको समूह पक्राउ "

२०८०-०१-२४

A
A^-
A⁺

भारत देश उत्तर प्रदेश बलिया जिल्ला इब्राहिम पट्टी ग्राम इब्राइमपट्टी पंचायत भिमपुरा थाना बेल्थरा रोड स्थायी वतन भएका भारतीय नागरिकहरुको समूहले नेपालका विभिन्न जिल्लाबाट विभिन्न समयमा विशेष गरी नागरिकता बनाउन टोली स्थलगत रुपमा खटिएको समय पारी झुट्टा विवरण पेश गरी नेपालको तराईका जिल्लाहरु सिराहा, बारा, पर्सा, रुपन्देही लगायतका स्थानबाट नेपाली नागरिकता प्राप्त गरी नेपालका विभिन्न स्थानमा घर-जग्गा खरिद गरी व्यापार व्यवसाय समेत गरी बसेको भन्ने गोप्य सूचनाका आधारमा प्रारम्भिक अनुसन्धान गर्दा निजहरुले झुठ्ठा विवरण पेश गरी बिभिन्न मितिमा सक्कलै नेपाली नागरिकता प्राप्त गरेको देखिन आई निजहरु बिरुद्ध सम्मानित जिल्ला अदालत काठमाण्डौबाट पक्राउ पूर्जी समेत लिई उक्त भारतीय नागरिकहरुको निगरानी राखी खोजतलास गर्ने क्रममा यस कार्यालयबाट खटिएको विशेष टोलीले मिति २०८०।०१।२३ गते काठमाण्डौको शंखमुल, कलंकी, वागबजार, गंगबु, बानेश्वर लगायतका स्थानबाट तपसिलमा उल्लेखित व्यक्तिहरुलाई पक्राउ गरि निजहरुलाई नागरिकता ऐन तथा लिखत सम्बन्धि कसुरमा आवश्यक कारबाहीका लागि जिल्ला प्रहरी परिसर टेकु पठाइएको ।

अनुसन्धानबाट खुल्न आएका कुराहरुः

v पक्राउ परेका भरत प्रसाद गुप्ताले जिल्ला सिराहा रामनगर मिर्चैया-२ बस्ने शिव शंकर प्रसाद गुप्ताको छोरा भरत प्रसाद गुप्ता (जन्म मिति २०२५/०१/१९) को नाममा मिति २०६३/१२/१७ गते जन्मको आधारमा १५३०९०/१०४ नम्बरको नेपाली नागरिकता लिएको देखिएको ।

v पक्राउ परेका राहुल गुप्ताले जिल्ला सिराहा रामनगर मिर्चैया-२ बस्ने भरत प्रसाद गुप्ताको छोरा राहुल गुप्ता (जम्म मिति २०४९/१०/०१ ) को नाममा मिति २०७०/०१/२९ गते वंशजको आधारमा १५३०९०/३४ नम्बरको नेपाली नागरिकता लिएको देखिएको । साथै निजले २०७१/०८/०१ MRP समेत लिएको देखिएको ।

v पक्राउ परेकी अर्का भारतीय नागरिक ज्ञानमती देवी गुप्ताले जिल्ला सिराहा रामनगर मिर्चैया-२ बस्ने भरत प्रसाद गुप्ताको श्रीमती ज्ञानमति देवी गुप्ताको (जन्म मिति २०३०/०१/१० ) को नाममा मिति २०६८/०३/०९ गते १५१०९०/७३० नम्बरको वैवाहिक अंगिकृत नेपाली नागरिकता लिएको देखिएको ।

v पक्राउ परेका अर्का भारतीय नागरिक भरत गुप्ताले मिति २०६३/११/०७ मा जिल्ला प्रशासन कार्यालय बाराबाट ३३३०८१/१९२ नम्बरको नेपाली नागरिकता जन्मको आधारमा लिएको देखिएको ।

v पक्राउ परेकी स्नेह लता गुप्ताले जिल्ला बारा निजगढ-८ बस्ने रामेश्वर प्रसाद गुप्ताको छोरी भरत गुप्ताको श्रीमती स्नेह लता गुप्ता (जम्म मिति २०३७/०५/०१ ) को नाममा मिति २०६९/०९/११ मा वंशजको आधारमा ३३२०११/३६६२८ नम्बरको नेपाली नागरिकता लिएको देखिएको ।

v पक्राउ परेका गोपाल गुप्ताले जिल्ला प्रशासन कार्यालय रुपन्देहीबाट मिति २०६३/११/१८ गते ३७३०६३/१८२ नम्बरको नेपाली नागरिकता लिएको देखिएको ।

v पक्राउ परेका राजेश कुमार गुप्ताले जिल्ला बारा जीतपुर न.पा. ३ बस्ने दिनेश प्रसाद गुप्ताको छोरा राजेश कुमार गुप्ता (जन्म मिति २०२९/०१/१६ गते) को नाममा मिति २०६३/११/२८ गते जन्मको आधारमा ३०७९।४०१ नम्बरको नेपाली नागरिकता लिएको देखिएको ।

v पक्राउ परेकी मिना देवी गुप्ताले जिल्ला बारा निजगढ-८ बस्ने रामानन्द साहको छोरी राजेश कुमार गुप्ताको श्रीमती मिना देवी गुप्ता (जन्ममिति २०३१/०५/०१ ) को नाममा मिति २०६९/०९/११ गते वंशजको आधारमा ३३२०११/३६६२१ नम्बरको नेपाली नागरिकता लिएको देखिएको ।

v पक्राउ परेका राम प्रवेश गुप्ताले जिल्ला रूपन्देही फरेना-२ बस्ने मोहन गुप्ताको छोरा राम प्रवेश गुप्ताको नाममा मिति २०६३/११/२१ गते २०६३ सालको नागरिकता टोलीबाट जन्मको आधारमा ३७३०५७/१२३ नम्बरको नेपाली नागरिकता लिएको खुल्न आएको ।

v पक्राउ परेका राम सुन्दर गुप्ताले जिल्ला पर्सा बिरगंज उ.म.न.पा. -२ बस्ने मोहन गुप्ताको छोरा राम सुन्दर गुप्ता (जन्ममिति २०३६/०३/१५) को नाममा मिति २०६३/१२/१५ मा जन्मको आधारमा ३४३०२२-२/६३६ नम्बरको नेपाली नागरिकता लिएको खुल्न आएको ।

v पक्राउ परेका सबै व्यक्तिको सन् २०२१ देखि हालसम्म पनि भारतीय मतदाता नामावलीमा विवरण अद्यावधिक भएको देखिएको ।

पक्राउ परेका ब्यक्तिहरु:

१. नामः भरत प्रसाद गुप्ता, बर्षः ५५

ठेगानाः जि.सिराहा मिर्चैया न.पा. २