घटना विवरण:

   पाकिस्तानी र अजरबैजनी नागरिकको साँगगाठ तथा मिलेमतोमा बैदेशिक रोजगारको लागि चेक रिपब्लिक, नर्वे, पोल्याण्ड, पोर्चुगल लगायतका देशमा पठाई दिन्छु भनि वर्कपर्मिट लगायतका नक्कली कागजातहरू देखाई विश्वास मा पारी  ठगी गर्ने योजना बनाईरहेको छ भने जाहेरीको आधारमा निगरानी गर्ने क्रममा  यस कार्यालयबाट खटि गएको विशेष प्रहरी टोलीले मिति २०८०।०६। १६ गते अ. १८:३० बजेको समयमा जिल्ला काठमाण्डौ का.म.न.पा. वडा नं. २६ ठमेलमा रहेको होटल yatri and Duddy Suites And Spa को कोठा नं. ३०४ र ३१४ बाट नियन्त्रणमा लिई थप अनुसन्धानको लागि जिल्ला प्रहरी परिसर, टेकु काठमाण्डौ   पठाईएको ।      

पक्राउ परेका ब्यक्तिहरु:

१.       पाकिस्तान राहुलपिन्डी घर भई हाल जिल्ला काठमाण्डौ का.म.न.पा. वडा नं. २६ ठमेल बस्ने DIN MUHAMMAD को छोरा राहदानी नं. AK9821443 (पाकिस्तान) बाहक बर्ष ५१ को NAZIR MUHAMMAD ।

२.       अजरबैजन देश घर भई हाल जिल्ला काठमाण्डौ का.म.न.पा. वडा नं. २६ ठमेल बस्ने राहदानी नं. C00279710 (अजरबैजान) बाहक बर्ष ३१ की AYSEL HUSEYNIL ।

अनुसन्धानबाट खुल्न आएका कुराहरु

·      प्रोसेसिङ गर्नको लागि लाग्ने चार्ज प्रतिव्यक्ति १०००।– डलर (नेपाली रू.१,३३,०००।-) लिने गरेको ।

·      नक्कली अफर लेटर, वर्कपर्मिट, भिसा लगायतका कागजातहरू पठाई रकम पठाउन लगाउने गरेको ।

·       अन्दाजी.नेपाली.रु. ८०,००,०००।–(असी लाख मात्र) रकम ठगि गरेको खुल्न आएको ।

·       पिडितहरुलाई बिश्वास दिलाउनको लागि अजरबैजानमा समेत लगि घुमाई दिएको खुल्न आएको ।