“ मानव तस्करीमा संलग्न ट्राभल्स संचालकहरु पक्राउ ”
२०८०-०९-२०
- A
- A-
- A+
बेरोजगार युवाहरुलाई रसियामा रहेको होटलमा आकर्षक तलब हुन्छ लागत रु ६,००,०००/- (अक्षेरुपी छ लाख रुपैयाँ ) लाग्छ भनी प्रलोभन देखाएकोमा शंकर कार्की , राजन राई र बिकास राईलाई अलास्का ट्राभल्स संचालक बताउने अर्जुन श्रेष्ठ भन्ने अर्जुन सुनार र शेखर राई बताउने शेर बहादुर राईले प्रतिव्यक्ति रु ६,००,०००/- (अक्षेरुपी छ लाख रुपैयाँ ) लिई रसिया पाठाएकोमा रसिया पुगे पश्चात शंकर कार्कीलाई रिसिभ गर्ने व्यक्तिलाई ८०० डलर थप दिए पश्वात अव तपाईहरु आर्मीको लागि हो तालिम गर्नुपर्छ भनेकोमा आफु आर्मीको लागि नआएको बताउदा दलालले होटलमा कुनै काम छैन तपाईलाई आर्मीको लागी बोलाएको हो भने पछि शंकर कार्कीले रसिया आर्मींमा काम नगर्ने भनि फर्की आई यस कार्यालयमा निबेदन दिएकोमा निजबाट बुझ्दा निजले SLC मात्र पास गरेको, सबै नक्कली कागजात समेत ट्राभल्सवालाले नै बनाई दिइएकोले आवश्यक कारवाही गरी पाउ भनी निजसँग भएको प्रमाण सहित यस कार्यालयमा जाहेरी दिएकोमा रसिया पठाई मानब तस्करी कार्यमा संलग्न अलस्का ट्राभल्स संचालन गरेका अर्जुन श्रेष्ठ भन्ने अर्जुन सुनार र शेखर राई बताउने शेर बहादुर राईलाई यस कार्यालयबाट खटिएको प्रहरी टोलिले मिति २०८०।०९।१९ गते का.जि.का.म.न.पा माईतिघर र जिल्ला काठमाण्डौ थापा गाउँबाट पक्राउ गरी मानव तस्करी गरी ठगी गरेको अपराध कसुरमा आबश्यक कारवाहीको लागि जिल्ला प्रहरी परिसर टेकु काठमाण्डौ पठाईएको । साथै निजसंगै साथमै गएका राजन राई र बिकास राईलाई रसिया आर्मी मा भर्ना गरिएको बुझिन आएको । यसरी नक्कली कागजातको आधारमा सेटिङ मिलाई बेरोजगार युवाको तस्करी गरी झुट्टा प्रलोभनमा पारी ठगि गर्ने कार्यमा संलग्नहरुको बारेमा थप अनुसन्धान भईरहेको ।
१. नाम थर : अर्जन श्रेष्ठ भन्ने अर्जुन सुनार
उमेर : ३१ बर्ष
वतन : जिल्ला गोरखा, गोरखा न.पा. वडा नं. १ घर भई हाल जिल्ला काठमाण्डौ का.म.न.पा. वडा नं. ३१ मिलनचोक
१.
नाम
थर : शेखर भन्ने शेर बहादुर राई
उमेर :
३५ बर्ष
वतन : जिल्ला सोलुखुम्बु नेचा सल्यान गा.पा. वडा नं. १ घर भई हाल जिल्ला काठमाण्डौ जोरपाटी