Neem Educational Consultancy संचालक दिपक तामाङले अध्ययनको लागि जापान लगायतका देशहरुमा जाने विद्यार्थीहरुलाई परामर्श दिई विदेश पठाउने कार्य गर्दै आइरहेकोमा सामाजिक सञ्जाल फेसबुकमा नियोनी एजुकेसन प्रा.लि.  (Niyoni Education Pvt.Ltd.)  बाट जापान जानको लागि अवसर रहेको विज्ञापन पोष्ट गरेको देखि विज्ञापनमा रहेको सम्पर्क नम्बरमा सम्पर्क गर्दा मलाई काठमाडौं जिल्ला का.म.न.पा. वडा नं. २९ पुतलीसडकको कार्यालयमा नै सम्पर्क गर्न आउनु भनेकोले म काठमाडौंको पुतलीसडक स्थित नियोनी एजुकेसन प्रा.लि.मा पुग्दा आफूलाई रमेश नाम बताउने व्यक्तिले जापानमा रहेको International University Health and Welfare मा विधार्थीहरु माग भएको छ भनि विभिन्न तवरले विश्वास दिलाएको हुँदा मैले मसँग  रहेका विद्यार्थीहरु सम्पर्क गराएको थिएँ । केहि समयपछि COE (Certificate of Eligibility) Letter आइसकेको छ भनि जापानमा रहेको कलेजमा शुल्क बुझाउनको लागि लाग्ने रकम नारायण बहादुर राईको नाममा रहेको सानिमा बैंकको खातामा र पर्वराज भन्ने ईश्वरी पाण्डेको कामना विकाश बैंकको खातामा रकम पठाउन लगाई ठगी गरेको भन्ने समेतको व्यहोराको यस कार्यालयमा २०८०।१२।०४ मा  निवेदन पर्न आएकोमा अनुसन्धान जारी रहंदै गर्दा जिल्ला उदयपुर डुम्रे-४ घर हुने नारायण बहादुर राई र बाजुरा घर हुने पर्व राज पाण्डे समेतको नाममा वैदेशिक रोजगार विभागबाट पक्राउ पूर्जी समेत जारी भई आएकोमा अनुसन्धान गर्दा नारायण बहादुर राईको नागरिकता दुरुपयोग गरी राजन श्रेष्ठले र पर्वराज पाण्डेको नागरिकता दुरुपयोग गरी ईश्वरी पाण्डेले विदेशमा जान चाहने युवायुवतीहरुलाई ठगी गरेको देखिएकोमा निजहरुलाई यस कार्यालयबाट खटिएको टोलीले मिति २०८१।०१।२० गते पक्राउ गरी आवश्यक कार्वाहीको लागी  वैदेशिक रोजगार विभाग ताहाचल पठाईएको ।

अनुसन्धानको क्रममा खुल्न आएका कुराहरु:-

· यस कार्यालयमा पक्राउ पुर्जी प्राप्त हुनुभन्दा अगाडि नै सो सम्बन्धमा रामेछाप जिल्ला लिखु तामाकोशी गा.पा. वडा नं. ०१ घर भई ललितपुर महानगरपालिका वडा नं. २४ बस्ने ललितपुर जिल्ला ल.म.न.पा. वडा नं. ०५ कुमारीपाटी स्थितमा सन् २०१४ देखि सञ्चालनमा रहेको  Neem Educational Consultancy का सञ्चालक दिप बहादुर तामाङ समेतले Niyoni Education Pvt. Ltd. को संचालक नारायण बहादुर राई समेतको विरुद्धको उजुरी यस कार्यालयमा प्राप्त हुन आएको ।

· राजन श्रेष्ठले नारायण बहादुर राईको नागरिकता दुरुपयोग गरी तथा निजको नाम ठेगाना प्रयोग गरी NIYONI EDUCATION & VISA SERVICE नामको कन्सल्टेन्सी पुतलीसडकबाट जापान Working Visa मा पठाउने भनी ४ लाख देखि ७ लाख सम्म उठाउने गरेको । उक्त कार्यमा ईश्वरी पाण्डेले पर्वराज पाण्डेको नागरिकता दुरुपयोग गरी खाता समेत खोली रकम राख्न लगाई आफैं निकाल्ने गरेको ।

· Niyoni Education Pvt. Ltd. को संचालक आफू नारायण बहादुर राई नाम गरेको व्यक्ति भएको र जापान जाने विभिन्न मानिसहरुलाई आफ्नो (नारायण बहादुर राईको) सानिमा बैंकको र पर्वराज भन्ने ईश्वरी पाण्डेको कामना विकाश बैंकको खातामा २०० भन्दा बढि व्यक्तिहरुलाई रकम जम्मा गर्न लगाई उक्त रकम निजहरुले ATM Card, Connect IPS तथा चेक मार्फत् रकम निकाली दुरुपयोग एवम् ठगी गरेको ।

रामेछाप घर भएका राजन श्रेष्ठले नारायण बहादुर राईको नाममा सानिमा बैंक समेतमा खाता खोलेको र खाता खोल्दा KYC फर्ममा आफ्नो फोटो राखेको तर नागरिकता नारायण बहादुर राईको राखेको साथै KYC फर्म र नागरिकतामा रहेको फोटो अलग अलग हुँदा समेत सानिमा बैंकले Verify नगरी खाता खोलिदिएको । उक्त खातामा विदेश जान चाहने मानिसहरुबाट रकम जम्मा गर्न लगाई ठगी गरी उक्त रकमहरु निकाली दुरुपयोग  गरेको ।

·       दिप बहादुर तामाङ मार्फत् १३ जनाबाट ३७ लाख रकम लिएको देखिएको ।

·       सुनिल कुमार नेपाली मार्फत २० जनाबाट ३२ लाख  रकम लिएको देखिएको ।

·       वैदेशिक रोजगार विभागमा अन्य करिब १०० जनाबाट २ करोड ६८ लाख ठगी गरेको उजुरी परेको बुझिएको ।

·       निज राजन श्रेष्ठलाई मिति २०८१।०१।२० गते काठमाडौं जि. कागेश्वरी मनहरा न.पा. वडा नं. ७ बाट र ईश्वरी पाण्डेलाई काठमाण्डौं कामनपा २९ बाट  नियन्त्रणमा लिई थप अनुसन्धान कार्य जारी रहेको ।

·       नारायण बहादुर राई भन्ने राजन श्रेष्ठले मेरो खातामा तपाईंहरुले धेरै रकम हालिसक्नुभयो, बैंक ट्रान्जेक्सन धेरै देखिने हुँदा मेरो पार्टनर पर्वराज भन्ने ईश्वरी पाण्डे (कामना सेवा विकाश बैंक) को खातामा रकम जम्मा गर्न लगाउने गरेको  ।

·       वास्तविक नारायण बहादुर राई लाई सम्पर्कमा ल्याई बुझ्दा निजको नागरिकता १५/१६ वर्ष अगाडी हराएको र विगत ३ वर्ष देखि पठाओ(मो.सा.) चलाई जिबिका चलाउने सामान्य व्यक्ति रहेको र निजले  हाल सम्म कुनै कम्पनी वा कन्सल्टेन्सी  दर्ता नगरेको  खुल्न आएको ।

पक्राउ  परेका व्यक्तिहरु:-

१.        नाम :- नारायण बहादुर राई भन्ने राजन श्रेष्ठ

उमेर :- ३५ बर्ष

‍ठेगाना :-  रामेछाप जिल्ला लिखु तामाकोशी गा.पा. ०७ घर भई हाल काठमाडौं जिल्ला कागेश्वरी मनहरा न.पा. वडा नं. ०७ विष्टगाउँ

कन्सलटेन्सी :- Niyoni Educational Consultancy संचालक  ।        

२.        नाम :- पर्वराज पाण्डे भन्ने ईश्वरी पाण्डे

उमेर: ४६ बर्ष 

‍ठेगाना :- जिल्ला झापा गौरादह न.पा. वडा नं. ०१ घर भई हाल जिल्ला ललितपुर ल.म.न.पा. वडा नं. २२ भैसीपाटी बस्ने ।           

कन्सलटेन्सी :- Niyoni Educational Consultancy मा आवद्ध ।