प्रहरी कन्ट्रोल : १००, टोल फ्री नं.: १६६००१४१५१६
नेपा
EN

“कम्बोडिया, न्युजिल्याण्ड, फ्रान्स लगायतका देशहरुमा पठाई दिन्छु भनि ३०० जना भन्दा बढी मानिसहरुबाट करिब १५ करोड रकम ठगी गर्ने अभियुक्तहरु पक्राउ”

२०८१-०२-२९

  • A
  • A-
  • A+
Share

फेसबुक, म्यासेन्जर, whatsapp लगायतका सामाजिक संजालमा Rabin Aale Magar, Manoj jung Thapa, Mahesh Thapa लगायतका Fake Id प्रयोग गरी नेपालीहरुलाई वैदेशिक रोजगारी कम्बोडिया, न्युजिल्याण्ड, फ्रान्स लगायतका देशहरुमा पठाइदिने भनि आकर्षक तलब, भत्ता सहितको विज्ञापन सार्वजनिक गरी त्यसरी सम्पर्कमा आउने मानिसहरुलाई विभिन्न व्यक्तिहरुको बैंक खातामा रकम जम्मा गर्न लगाई उक्त जम्मा हुन आएका रकमहरु चेक मार्फत् निकाल्न लगाई निजले भनेबमोजिमका मानिसहरुलाई भेटेर नगदै दिन लगाई तथा विभिन्न खाताहरुमा ट्रान्जेक्सन गराई ठगी गर्ने गरेको भन्ने समेत व्यहोराको विभिन्न व्यक्तिहरुबाट बैदेशिक रोजगार ठगीको हकमा वैदेशिक रोजगार विभाग तथा ठगी सम्बन्धी कसूरको हकमा यस कार्यालयमा नविन चौधरी  समेत १५ जनाको निवेदन तथा जाहेरी दरखास्त पर्न आएको । साथै विकाश राणा समेतको जाहेरीले वादी नेपाल सरकार प्रतिवादी राजु कुमार बस्नेत समेत भएको वैदेशिक रोजगार ठगी मुद्दामा धरौटी तिर्न नसकी हाल कारागार कार्यालय डिल्लीबजारमा थुनामा रहेका राजु कुमार बस्नेतको कारागार कार्यालयको च.नं. ४७६३ मिति २०८१/०२/१६ गतेको पत्र मार्फत् यस कार्यालयमा ठगी सम्बन्धी कसूरमा जाहेरी दरखास्त प्राप्त हुन आएको ।

अनुसन्धानको क्रममा खुल्न आएका कुराहरु:-

v न्यायाधिरणको फैसला तथा आदेशले हाल कोहि धरौटी बुझाउन नसकेर तथा कोही पुर्पक्षको क्रममा थुनामा रहेका भने केहि सजाय समेत एकातर्फ आम सर्वसाधरण मानिसहरुलाई युरोपिन मुलुकहरुमा राम्रो तलब, भत्ता, सुविधा छ भनि वैदेशिक रोजगारीमा जान को लागी सामाजिक संजाल Fake फेसबुक ID: Rabin Aale Magar, Mahesh Thapa, Thapa Hari, Manoj jung Thapa समेतबाट सार्वजनिक रुपमा विज्ञापन पोष्ट गर्ने गरेको,

v अर्कोतर्फ उक्त Fake Id हरु बाट आफ्नो घर तथा व्यापार, व्यवसाय (कम्पनी) नेपालमा रहेको र त्यसको कारोबार Handling गर्न एकाउन्टेन्टको Job दिन्छु, मासिक रु.३०,०००।देखि रु. ४०,०००।सम्म तलब हुन्छ भनि निजहरुको बैंक खाता मागी उक्त खातामा विदेश जान चाहने भनि Fake ID हरुमा सम्पर्कमा आएका मानिसहरुबाट रकम जम्मा गर्न लगाई उक्त रकमहरु चेकबाट निकाल्न लगाई निजले भने बमोजिमका मानिसहरु (राज कुमार भट्ट लगायत) लाई भेटेर नगदै तथा विभिन्न खाताहरुमा ट्रान्जेक्सन गरिदिनु भन्ने गरेको,

v विदेश जान चाहने मानिसहरुले सुरुमा केहि रकम जम्मा गरिदिएपछि Processing भइरहेको भन्ने विश्वास दिलाउन निजहरुको नाम राखि Fake Visa, Work Permit, Hotel Booking, Police Report लगायतका कागजातहरु Online बाटै पठाई  टिकट र डलर साट्न थप रकम चाहिने भनि प्रति व्यक्ति ५ लाख देखि १० लाखसम्म रकम ठगी गरी त्यो व्यक्तिबाट सम्पर्क विहिन हुने गरेको, त्यसरी सम्पर्क विहिन भएपछि विदेश जान भनि रकम जम्मा गरिदिने व्यक्तिले जसको खातामा रकम जम्मा गरिदिएको हो, उसको विरुद्ध वैदेशिक रोजगार विभाग/ प्रहरी कार्यालयहरुमा वैदेशिक रोजगार ठगी तथा ठगी सम्बन्धी कसूरमा उजुरी गर्ने गरेको,

v कम्पनीमा लेखापाल (कर्मचारी) को काम दिन्छु भनि बैंक खाता प्रयोग भएका सुन बहादुर बुढा, राजु कुमार बस्नेत, प्रभाकर भट्टराई, हरि बहादुर कामी, शेर बहादुर तामाङ, राजेश श्रेष्ठ लगायतका मानिसहरु वैदेशिक रोजगार विभागबाट अनुसन्धान भई वैदेशिक रोजगार भुक्तान गरी कतिपय छुटि र राज कुमार बस्नेत हाल पनि कारागार मै रहेको प्रारम्भिक अनुसन्धानबाट खुल्न आएको

v अर्कातर्फ Company को Accountant को रुपमा काम गर्ने मानिसहरुको खातामा आएको रकम निजहरुबाटै चेकबाट नगदै निकाली काठमाडौं, पोखराको सेति पुल मुनि लगायतका स्थानहरुबाट राज कुमार भट्ट लगायतले फरक नाम बताई ३ वर्ष अघि देखि मोटो रकम बुझ्ने  गरेको,

v राज कुमार भट्ट तथा सो भूमिकामा काम गर्ने व्यक्तिहरुले उक्त रकम विभिन्न Money Transfer तथा IME, eSewa हरुका माध्यमबाट आफ्नो तथा हाल चितवनबाट पक्राउमा परेका पवन पन्त लगायतका व्यक्तिहरुको खातामा मोटो रकम पठाउने गरेको,

v राज कुमार भट्टले पछिल्लो समयमा आफ्नो Identity नदेखियोस् भनि IME हरुमा चिनजान गरी आफ्नो ट्राभल्स लगायतको कम्पनी छ कारोबार गरिरहनु पर्छ भन्ने गरेको,

v हालसम्म उक्त गिरोहले नेपालबाट ३०० जना भन्दा बढि मानिसहरुलाई विदेश पठाउँछु भनि विगत ३/४ वर्ष देखि प्रतिव्यक्ति ५  देखि १० लाखका दरले हालसम्म १५ करोड भन्दा बढि रकम ठगी गरेको,

 

पक्राउ  व्यक्तिहरु:-

१.     नाम थर :- राज कुमार भट्ट                                                    ३. नाम थर :- नविन वि.क.

उमेर :- २८ बर्ष                                                                          उमेर :- २२ बर्ष

वतन :-  जिल्ला चितवन भरतपुर म.न.पा. वडा नं. १८ ।                   वतन :- जिल्ला कास्की माछापुच्छ्रे गा.पा. वडा  नं. ०८ ।

     हाल:- जिल्ला काठमाण्डौं टोखा न.पा. बस्ने ।                                हाल:- जिल्ला कास्की पोखरा म.न.पा. वडा नं. ०९

२.  नाम थर :- पवन पन्त                                                                      पृथ्वीचोक ।

उमेर :- २३ बर्ष

वतन :- जिल्ला कास्की पोखरा म.न.पा. वडा नं. ०८ ।

हाल  :-  जिल्ला चितवन भरतपुर म.न.पा. वडा  नं. ०८ ।

सम्बन्धित समाचार
"HONEY TRAP मा संलग्न ब्यक्तिहरु पक्राउ ”
२०८१-०३-२८

घटना विवरण :आपराधिक लाभ लिने उद्देश्यले योजनाबद्ध तवरले महिला र पुरुषको समुहलाई सामाजिक संजाल मार्फत परिचालन गरेर फोन आदानप्रदान गरी सम्पर्क तथा प्रत्यक्ष भेटघाट गराई अश्लिल भिडियो बनाई उक्त भिडियो पिडितलाई पठाई पिडितसंग दबाब मुलक ढंगले डर त्रास देखाई मोल मोलाई गरेर Blackmail गरी रकम असुल गरेको भन्ने जाहेरी यस कार्यालयमा प्राप्त भए पश्चात सम्मानित काठमाण्डौ जिल्ला अदालतबाट पक्राउ अनुमती लिई यस कार्यालयबाट खटिएको बिशेष अनुसन्धान टोलीले मिति २०८१।०३।२७ गते उक्त वारदातमा संलग्न तेन्जी डोमा छिरिङ/डोल्मा लामा भन्ने सिर्जना तामाङ र सौरभ तामाङ भन्ने लिला बहादुर तामाङलाई का.जि.का.म.न.पा.वडा नं. ६ बौद्धबाट पक्राउ गरी आपराधिक लाभ मुद्दामा थप अनुसन्धानका लागि जिल्ला प्रहरी परिसर काठमाण्डौ पठाईएको । अनुसन्धानबाट खुल्न आएका कुराहरु:-Ø सौरभ तामाङ भन्ने लिला बहादुर तामाङले पिडितको Facebook id तेन्जी डोमा छिरिङ/डोल्मा लामा भन्ने सिर्जना तामाङको WhatsApp मा पठाई साथी बन्न लगाएको ।Ø Facebook Messenger बाट सिर्जना तामाङले पिडितसंग कुरा गरी भेट्नलाई आफ्नो कोठामा बोलाएको ।  Ø पिडित कोठामा आउन मन्जुर भएपछि सौरभ तामाङ भन्ने लिला बहादुर तामाङले आफ्नो मोबाईल द्वारा पिडितसंगको भिडियो बनाउने प्रयोजनको लागी निज सिर्जना तामाङलाई दिएको ।Ø सौरभले दिएको मोबाईलबाट सिर्जनाले आफ्नो र पिडितको अश्लिल भिडियो बनाई उक्त मोबाईल सौरभलाई फिर्ता गरेको ।Ø उक्त भिडियो सिर्जना र सौरभले पिडितलाई पठाई पिडित संग सुरुमा १ करोडको Bargaining गरेको र पछि १५ लाखमा कुरा मिलाएको ।बरामद समाग्री: Ø विभिन्न कम्पनीको मोबाईल थान-२Ø ५०० दरको नेपाली रुपैया थान-६९ गरी जम्मा रु ३४,५०० मात्र ।-पक्राउ व्यक्तिहरु:- १.      नामः तेन्जी डोमा छिरिङ / डोल्मा लामा भन्ने सिर्जना तामाङ                      उमेरः २० बर्ष      ठेगानाः जिल्ला सिन्धुपाल्चोक मेलम्ची न.पा. वडा नं. ७      हालः का.जि.का.म.न.पा. वडा नं.७ बौद्व  २.      नामः सौरभ तामाङ भन्ने लिला बहादुर तामाङ     उमेरः२९ बर्ष    ठेगानाः जिल्ला सिन्धुपाल्चोक जुगल गा.पा. वडा नं. ५     हालः जिल्ला काठमाण्डौ कागेश्वरी मनहरा मुलपानी

“दिउँसोको समयमा चोरी गर्ने व्यक्तिहरु पक्राउ”
२०८१-०३-२८

घटना विवरण:- मिति २०८१/०३/२३ गते अ. १४:०० बजेको समयमा जिल्ला भक्तपुर ठिमी न.पा. वडा नं. २ मुनाल मार्ग स्थित द्धारीकानाथ धितालको घरमा डेरा गरी बस्ने जगदिश नेपालको कोठा बाट सुनका विभिन्न गरगहना तथा नगद गरी जम्मा मुल्य रु. ७,१३,३८०/- ( अक्षरुपी सात लाख तेह्र हजार तिन सय असी ) बराबरको धनमाल चोरी गरेको घटनामा संलग्न का.जि. गोकर्णेश्वर न.पा. वडा नं. ५ जोरपाटी बस्ने वर्ष ४३ को राजु तामाङ् र चोरी गरी लगेको धनमाल वेचबिखन गर्ने कार्यमा संलग्न जिल्ला भोजपुर साविक पात्लेपानी गा.वि.स. वडा नं. ९ घर भई का.जि. गोकर्णेश्वर न.पा. वडा नं. ७ बस्ने वर्ष ५४ की शारदा तिरुवा बि.क.लाई मिति २०८१/०३/२५ गते पक्राउ गरी गरी थप अनुसन्धान तथा कारबाहीको लागी प्रहरी वृत ठिमी भक्तपुर पठाईएको ।पक्राउ प्रतिवादीहरु :-१. नाम :- राजु तामाङ्उमेर :- ४३ वर्ष ठेगाना :- का.जि. गोकर्णेश्वर न.पा. वडा नं. ५ जोरपाटी २. नाम :- शारदा तिरुवाउमेर :- ५४ वर्ष ठेगाना :- जिल्ला भोजपुर साविक पात्लेपानी गा.वि.स. वडा नं. ९ घर भईहाल का.जि. गोकर्णेश्वर न.पा. वडा नं. ७ बस्ने  बरामद सामानको विवरण :१. सुनका बिभिन्न गर गहना १.७९ तोला२. नगद रु.४,१०,०००/- (अक्षरुपी रु चार लाख दश हजार)३. घटना घटाएको समयमा प्रयोग भएको स्कुटर थान -१ ४. मोवाईल थान २ 

"Cash App मार्फत ५ करोड बराबरको कारोबार गर्ने कार्यमा संलग्न गिरोह पक्राउ”
२०८१-०३-२८

घटना विवरणःCash App नामक Online Application प्रयोग गरी अबैध रुपमा आर्थिक कारोबार भईरहेको छ भन्ने गोप्य सूचनाको आधारमा प्रारम्भिक अनुसन्धान गर्दै जाँदा जिल्ला मोरङ बिराटनगर घर बताउने हाल अमेरिका बस्ने मनिष कुमार बुढाथोकीले पक्राउ परेका गौरभ भट्टराई, सुजन दाहाल, सिद्धार्थ नेपाली, आशुतोष कोईराला, मिलन मिश्रलाई Cash App  Server को Access  दिई ६ ओटा ईसेवा वालेट, ५ ओटा Connect IPS Account र सोहि Account हरुमा Linkup भएका १९ ओटा बिभिन्न बैंकका खाताहरु समेतमा अबैध तरिकाले Cash App मार्फत ५ करोड बराबरको आर्थिक कारोबार गरेको अनुसन्धानबाट खुल्न आए पश्चात उक्त कार्यमा संलग्न निम्न नामथर भएका ब्यक्तिहरुलाई यस कार्यालयबाट खटि गएको प्रहरी टोलिले काठमाण्डौं उपत्यकाको बिभिन्न स्थानबाट बिभिन्न IPhone ब्राण्डका मोबाईल थान-५, बिभिन्न कम्पनीका ल्यापटप थान-३ समेत  ५ जनाको साथबाट बरामद एवं पक्राउ गरी निजहरुलाई मुलुकी अपराध संहिता, २०७४ को परिच्छेद- ५ अन्तर्गत दफा १२५ (जुवा खेल्न वा सट्टाबाजी गर्न नहुने) कसूरमा र सोहि संहिताको दफा २६२ (क) १ अभौतिक मुद्रा प्रयोग गर्न नहुने कसूरमा आवश्यक अनुसन्धान एवं कारवाहीको लागि जिल्ला प्रहरी परिसर भद्रकाली, काठमाण्डौं ।   पक्राउ ब्यक्तिहरुको विवरणः    १.      नामथर  :  गौरभ भट्टराईउमेर      :  २२ बर्षठेगाना  : जिल्ला मोरङ उर्लाबारी म.न.पा. वडा नं. ०८ हाल      :  जिल्ला काठमाण्डौ  रवि भवन ।२.      नामथर  :  सुजन दाहालउमेर      :  २३ बर्षठेगाना  : जिल्ला मोरङ उर्लाबारी म.न.पा. वडा नं. ०८ हाल      :  जिल्ला काठमाण्डौ सोल्टिमोड ।३.      नामथर  :  सिद्धार्थ नेपालीउमेर     :  २२ बर्षठेगाना  : जिल्ला ओखलढुङगा चम्पादेवी गा.पा. वडा नं. ०६हाल      :  जिल्ला काठमाण्डौ सिनामंगल ।४.      नामथर  :  आशुतोष कोईरालाउमेर     :  २४ बर्षठेगाना   : जिल्ला सुनसरी धरान उ.पा.न.पा. वडा नं. १५हाल      :  जिल्ला काठमाण्डौ बौद्ध ।५.      नामथर  :  मिलन मिश्रउमेर     :  २४ बर्षठेगाना  : जिल्ला मोरङ उर्लाबारी म.न.पा. वडा नं. ०७ हाल     :  जिल्ला भक्तपुर गट्ठाघर ।

“ठगी गरी आपराधिक लाभ (Extortion) लिने कार्यमा संलग्न व्यक्ति पक्राउ”
२०८१-०३-२७

“म सडक डिभिजनको इन्जिनियर हुँ” भनि  सामाजिक सञ्जाल मार्फत विभिन्न महिलाहरूसँग जोडीई चिनजान गरी  प्रेम तथा विवाहको प्रलोभन देखाई घर परिवारका अन्य सदस्यहरुको ”Fake ID” बनाई निजहरुको नामबाट आफैले पिडित महिलाहरुसँग कुराकानी गरी विश्वास दिलाई विभिन्न वर-वहाना बनाई रकम लिई ठगी गरी अपराधिक लाभ लिने कार्यमा संलग्न रहेका नरेन्द्र साउदलाई यस कार्यालयबाट खटिएको टोलीले मिति २०८१।०३।२६ गते जिल्ला काठमाण्डौ का.म.न.पा. वडा नं. ९ सिनामंगलबाट पक्राउ गरी आवश्यक अनुसन्धान तथा कानुनी कारवाहीको लागि जिल्ला प्रहरी परिसर, काठमाण्डौ पठाईएको ।पक्राउ प्रतिवादी :   नाम :  नरेन्द्र साउद   उमेर : २७ बर्ष    ठेगाना : जि.वैतडी, डिलासैनी गा.पा.वडा नं.०१    हाल :  जि. कञ्चनपुर शुक्लाफाँटा न.पा. वडा नं.०२

“ठगी मुद्धाका फरार प्रतिवादी पक्राउ"
२०८१-०३-२७

विप्लब पौडेलको जाहेरीले वादी नेपाल स़रकार प्रतिवादी जिल्ला मकवानपुर हेटौडा उ.म.न.पा. वडा नं. ५ घर भई हाल जिल्ला ललितपुर ललितपुर म.न.पा. वडा नं. १८ भैसेपाटी बस्ने चिन्तामणी घिमिरेको छोरा बर्ष ३७ की विपना घिमिरे भएको ठगी सम्बन्धी मुद्धामा निज प्रतिवादी विपना घिमिरेलाई सम्मानित मकवानपुर जिल्ला अदालत, हेटौडाबाट मिति २०८१।०२।०८ गते पक्राउ अनुमति प्राप्त भएका निज प्रतिवादीलाई यस कार्यालयबाट खटि गएको प्रहरी टोलीले खोजतलास गर्दै जाँदा मिति २०८१।०३।२६ गते अन्दाजी १९;०० बजे जिल्ला काठमाण्डौं किर्तीपुर न.पा. वडा नं.७ पाँगाबाट पक्राउ गरी आवश्यक अनुसन्धान तथा कारवाहीको लागि मिति २०८१।०३।२७ गते जिल्ला प्रहरी कार्यालय मकवानपुर पठाईएको । पक्राउ व्यक्तिः-नामः विपना घिमिरेउमेर : ३७ वर्ष, ठेगानाः जिल्ला मकवानपुर हेटौडा उ.म.न.पा. वडा नं. ५ घर भई हाल जिल्ला ललितपुर ललितपुर म.न.पा. वडा नं. १८    भैसेपाटी बस्ने ( ना.प्र.नं. ५५/३६६८३) मकवानपुर ।

“बैंकिङ कसुर मुद्धाका प्रतिवादी पक्राउ "
२०८१-०३-२६

घटना विवरण :जिल्ला काठमाण्डौ का.म.न.पा.वडा नं. ७ कुमारीगाल घर भई ऐ.ऐ. बस्ने बलराम पौडेलको छोरा बर्ष ५२ को मणिराम पौडेल प्रतिवादी भएको बैंकिङ कसुर मुद्दामा सम्मानित काठमाण्डौ जिल्ला अदालत,बबरमहल काठमाण्डौबाट मिति २०८१।०३।१२ गते पक्राउ अनुमति प्राप्त भएका निज प्रतिवादीलाई यस कार्यालयबाट खटि गएको प्रहरी टोलीले खोजतलास गर्दै जाँदा मिति २०८१।०३।२५ गते जिल्ला काठमाण्डौ का.म.न.पा. वडा ७ कुमारीगाल स्थितबाट पक्राउ गरी आवश्यक अनुसन्धान तथा कारवाहीको लागी प्रहरी बृत्त गौशाला  काठमाण्डौ पठाईएको । पक्राउ व्यक्तिः-नामः मणिराम पौडेल ।उमेर :५२ वर्ष ठेगानाः  जिल्ला काठमाण्डौ का.म.न.पा.वडा नं. ७ कुमारीगाल बस्ने ।