“गैह्र कानुनी तवरले अमेरिका पठाउने गिरोहमा संलग्न मुख्य व्यक्ति पक्राउ"
२०८१-०२-२९
- A
- A-
- A+
विभिन्न व्यक्तिहरूलाई वैदेशिक रोजगारीको लागि संयुक्त राज्य अमेरिका
पठाई दिन्छु भनि विश्वास दिलाई आफ्नो बैकको खातामा पटक-पटक रकम जम्मा गर्न लगाई
रकम ठगी गर्ने कार्यमा संलग्न व्यक्तिलाई पक्राउ तथा खोजतलास गरी पाउँ भनि दुर्गा
बहादुर वली र कमला डाँगी बस्नेत समेतले यस कार्यालयमा जाहेरी दरखास्त दिए पश्चात्
अनुसन्धान गर्दा निज नारायण कुमार खड्काको बैक खातामा रु ४,३३,६८,११२.५५।- रकम विभिन्न व्यक्तिले जम्मा गरेको देखिन आए पश्चात् सम्मानित
काठमाण्डौ जिल्ला अदालतबाट पक्राउ अनुमति लिई यस कार्यालयबाट खटिएको विशेष टोलीले
निजलाई जिल्ला कंचनपुर भिमदत्त न.पा. वडा नं. ११ गड्डा चौकीबाट मिति २०८१।०२।२८
गते पक्राउ गरी निम्न सामानहरू बरामद गरी निजलाई ठगी सम्बन्धी कसुरमा आवश्यक
अनुसन्धान तथा कारबाहीको लागि जिल्ला प्रहरी परिसर टेकु, काठमाण्डौ मा पठाइएको ।
पक्राउ
व्यक्ति:-
नामः नारायण कुमार खड्का
उमेर ४६ वर्ष
ठेगाना: सोलु दुधकुण्ड न.पा. - ११ सोलुखुम्बु
हालः जिल्ला काठमाण्डौ का.म.न.पा. ३२ पुरानो
सिनामंगल टाउनप्लानिङ (पेप्सीकोला) बस्ने ।
अनुसन्धानको
क्रममा खुल्न आएका कुराहरू:-
•
नारायण कुमार खड्काले मेरो High Link Education
Consultancy छ वैदेशिक रोजगारीको लागि USA पठाई दिन्छु भनि विभिन्न व्यक्तिहरूलाई विश्वास दिलाई आफ्नो बैक
खातामा पटक-पटक रकम जम्मा गर्न लगाई रकम ठगी गर्ने गरेको ।
•
निजको हाल Consultancy नरहेको ।
•
निजले अमेरिका पठाई दिने भनि VFS (Visa Facilitation Services) गर्नको लागि भारतमा लगि
बायोमेट्रिक लगायतका कार्य गराउने गरेको ।
•
पीडितहरूलाई अमेरिका लैजाने भनि सिंगापुर, आइबरीपोष्ट
हुँदै घाना सम्म पुर्याई अलपत्र पारेको खुल्न आएको ।
•
निजले काठमाडौं, कलकत्ता,
अजरबैजान, पोर्चुगल, सुरीनामा हुँदै अमेरिका,
ग्रीस, क्यानेडा, फिनल्याण्ड, जर्मनी, मेक्सिको, ब्राजिल,
पेरू, कोलम्बिया लगायतका देशहरू समेतमा पठाउने
भनि ठगी गरेको खुल्न आएको ।
•
निजले अमेरिका पठाउने भनि हाल सम्म ८/१०
जना व्यक्तिहरूबाट रकम लिएको ।
•
निजले युरोप पठाए बापत प्रतिव्यक्ति ८ देखि
१० लाख सम्म रकम लिने गरेको ।
•
निजको ज्योती विकास बैकको खातामा सन
२०२२।०७।२४ देखि २०२४।०५।२९ सम्म जम्मा रू.४,३३,६८,११२.५५।- रकम विभिन्न व्यक्तिले जम्मा गरेको खुल्न आएको ।
•
उक्त रकम जम्मा गर्ने व्यक्तिहरू मध्येका
जाहेरवाला कमला डाँगी बस्नेतले विभिन्न मितिमा जम्मा रू.३८,३५,०००।- र दुर्गा बहादुर वलीले विभिन्न जम्मा रू.८,२०,०००।- रकम जम्मा गरेको ।
•
निज नारायण कुमार खड्काको खातामा जम्मा
भएको रकम मध्ये रू.४,३२,२६,१०१.७३।- रकम झिकी सकेको
।
•
उक्त खातामा हाल रू.१,४२,००५.८२।- रकम मौज्दात रहेको ।
• CRS हेर्दा
निज नारायण कुमार खड्कालाई विभिन्न कार्यालयबाट ८ वटा बैकिङ कसुर र एउटा ठगी
मुद्दा (जम्मा बिगो रू.७८,८८,०००।-
अक्षरुपि अठहत्तर लाख असी हजार बिगो बराबरमा) चलेको देखिएको ।
बरामद सामानहरू:-
•
विभिन्न
व्यक्तिहरूको राहदानी, रकम पठाएको, SMS भएको मोबाईल थान-२ ।
•
नेपाल
टेलिकमको सिमकार्ड थान-२
•
Ncell को सिमकार्ड
थान-१ ।
•
विभिन्न
व्यक्तिहरूको नेपाली राहदानी थान-५ ।
•
विभिन्न
व्यक्तिहरूको राहदानीको प्रतिलिपि थान-७ ।
•
विभिन्न
व्यक्तिहरूको नाममा काटिएको चेक पाना-५९ ।
•
नारायण
कुमार खड्काको नामको विभिन्न बैकहरूको चेक थान-२० ।
•
बैक
खाता रकम जम्मा गरेको तथा आइएमइ गरेको भौचर थान-३४ ।
•
रसिद
ठेली थान-१
•
नारायण
कुमार खड्काको नामको लालीगुराँस बहुउद्देश्यीय सहकारी संस्थाको परिचयपत्र थान-१ ।